География

Кафедра тарийхы

География кафедрасы Тәбияттаныў факультетиндеги ески кафедралардан бири болып, Қарақалпақ мәмлекетлик педагогикалық институтының қурамында 1948-жылы Тәбияттаныў-география факультетинде География-химия кафедрасы болып дүзилип, оған химия илимлериниң докторы Ф.З.Фишер басшылық етти.

1954-1963 жыллар аралығында география кафедрасына доцент Н.А.Бем, 1963-1976 жыллары ҳәм 1985-1992 жыллар аралығында Өзбекстанға мийнети сиңген муғаллим, профессор Д.Ж.Матмуратов, 1976-1981 жыллар аралығында доцент А.Б.Бекбулатов, 1981-1985 жыллары доцент Т.Х.Аллабергенов басшылық етти.

1992-1993 оқыў жылынан баслап география кафедрасы физикалық ҳәм экономикалық география кафедрасы болып бөлинди. Физикалық география кафедрасына 1992-1996 жыллары доцент Т.Х.Аллабергенов, ал 1996-жылдан доцент П.Р.Реймов басшылық етти.

Экономикалық география кафедрасына доцент Е.Умаров 1992-1997 жылға дейин басшылық етти. 1997-1998 оқыў жылында физикалық ҳәм экономикалық география кафедралары география кафедрасы болып бириктирилип, кафедраға 1997-2009 жыллары доцент П.Р.Реймов, 2009-2015 жыллары доцент Г.А.Ходжаева, 2015-жылдан баслап доцент Н.Ж.Ембергенов басшылық етип келмекте.

 

Кафедра ҳаққында мағлыўмат

Ҳәзирги күнде география кафедрасында 21 штат болып, онда 19 профессор-оқытыўшы: соннан 1  илим докторы, 7 илим кандидаты, 2 үлкен оқытыўшы ҳәм 9 ассистент жумыс ислемекте.

География кафедрасы профессор-оқытыўшылары оқыў, оқыў-методикалық, илим-изертлеў ҳам тәлим-тәрбиялық жумысларына актив қатнасып келмекте. Усы күнге шекем кафедрамыз профессор-оқытыўшылары тәрепинен 70 тен аслам илимий монография, оқыўлық ҳәм оқыў-методикалық қолланбалар баспадан шыққан.

Ҳәзирги күнде кафедра профессор-оқытыўшылары тәрепинен Ф-5-24 «Исследование динамики трансформирующихся постдельтовых экосистем Северо-Западного Узбекистана в условиях аридизации» деген мәмлекетлик бюджеттен қаржыландырылған фундаменталь темада илим-изертлеў жумысы алып барылмақта. Бул темаға 37836 мың сум қаржы ажыратылған. Бул илим-изертлеў жумыслары нәтийжесинде Қарақалпақстан Республикасының экологиялық жағдайлары комплексли үйренилип, экологиялық жағдайларды жақсылаў бойынша  бир қанша усыныслар берилген. Кафедра тәрепинен илим-изертлеў жумыслары алып барылып атырған мәмлекетлик фундаментталь ҳәм әмелий темаларда студентлеримизден А.Алимбетов, М.Өтеулиев, С.Ходжаев, Э.Утепова ҳ.т.б.лар қатнаспақта.

Кафедра профессор-оқытыўшылары тәрепинен шет ел грантлары есабынан 530808-ТЕМПУС-1-2012-1-НИ-ТЕМПУС- JDСR «Gе-UZ: Геоинформатика: Создание возможности для устойчивого развития в Узбекистане» проекти бойынша оқыў-семинар жумыслары алып барылмақта. Жойбардың улыўма суммасы    907 374 евро муғдарында. Сондай ақ, ERASMUS MUNDUS gSmart ҳәм Training of Individuals through Mobility from Uzbek Republic to EU проект бойынша кафедрамыз профессор-оқытыўшылары ҳәм студентлери Австрия, Венгрия, Словакия, Чехия, Швеция, Уллы Британия ҳәм басқада бир қатар еллеринде тәжирийбе алмасып өз билимлерин жетилистирип қайтты.

География бакалавр бағдары студентлери арасында өткерилген республикалық пән олимпиадасында 2012-2013 оқыў жылы Кушаев Руслан сыйлықлы биринши орынды, ал 2009-2010 оқыў жылы Хайруллаев Биродар екинши орынды ийеледи. Және бир студентимиз Турдыбекова Замира ҳәм Ахмедова Зулхумар «Бердақ атындағы стипендия жеңимпазы болды.

 

География кафедрасы

 

  География илимлериниң кандидаты, доцент Ембергенов Наўрызбай Жанабаевич 1976-жылы 12-мартта Хожели районында туўылған. 2004-жылы Қарақалпақ мәмлекетлик университетин тамамлаған. «Қорақалпоғистон Республикаси аҳолисининг ўсиши ва жойланишидаги ўзгаришлар» темасында кандидатлық диссертациясын жақлады. 40 тан аслам илимий мийнетлери баспада жәрияланды. Соның ишинде 1 оқыў қолланба, 2 оқыў методикалық қолланбасы баспадан шықты. Кафедрада 2004-жылдан баслап ислеп атыр. 2015-жылдан баслап кафедра баслығы лаўазымында ислеп келмекте.
География илимлериниң кандидаты, тарийх илимлериниң докторы, кафедра профессоры Баллиева Руза 1959-жылы 19-мартта Кегейли районында туўылған. 1982-жылы Ташкент мәмлекетлик университетиниң география факультетин тамамлаған. 1994-жылы «Традиционное природопользование в связи с выходом из экологического кризиса в Приаралье» темасында кандидатлық, 2003-жылы «Традиционное природопользование и Каракалпакский этнос» темасында докторлық диссертациясын жақлады. 100 ден аслам илимий мийнетлери баспада жәрияланды. Соның ишинде 2 монография, 2 оқыўлық, 2 сабақлық, 5 оқыў қолланба, 4 методикалық қолланба баспадан шықты. 1982-жылдан баслап Қарақалпақ мәмлекетлик университетиниң География кафедрасында ислеп келмекте.

 

  География илимлериниң кандидаты, доцент Турдымамбетов Изимбет Рахметович 1976-жылы 16-сентябрьде Хожели районында туўылған. 1998-жылы Қарақалпақ мәмлекетлик университетин тамамлаған. 2005-жылы «Медико-географический анализ дельты Амударьи и улучшения ее санитарно-гигиенической ситуации» темасында кандидатлық диссертациясын, 2016-жылы «Социально-экономические особенности улучшения нозогнографической ситуации РК» темасында докторлық диссертациясын  жақлады. 80 нен аслам илимий мақала ҳәм тезислери, 2 методикалық қолланбасы баспадан шықты. 1998-жылдан баслап География кафедрасында ислеп келмекте.

 

 

География илимлериниң кандидаты, доцент Ходжаева Гуля Аширбаевна 1968-жылы 8-мартта Тақыятас қаласында туўылған. 1990-жылы Нөкис мәмлекетлик университетин тамамлаған. 1998-жылы «Геодемографическая ситуация и регулирование развития населения Каракалпакстана» темасында кандидатлық диссертациясын жақлады. 80 нен аслам илимий мийнетлери баспада жәрияланған. Соның ишинде 1 монография, 2 оқыў қолланба, 4 оқыў методикалық қолланбасы баспадан шыққан. 1990-жылдан баслап Қарақалпақ мәмлекетлик университетиниң География кафедрасында ислеп келмекте.

 

   

 

 

География илимлериниң кандидаты, доцент Алланазаров Кеунимжай Жанназарович 1967-жылы 1-сентябрьде Кегейли районында туўылған. 1993-жылы Қарақалпақ мәмлекетлик университетин тамамлаған. 2002-жылы «Оценка природных условии и ресурсов неорошаемой части дельты Амударьи для развития отраслей сельского хозяйства» деген темада кандидатлық диссертациясын жақлады. 50 ден аслам илимий мақала ҳәм тезислери, 1 сабақлық, 4 оқыў-методикалық қолланбасы баспадан шықты. 1993-жылдан баслап География кафедрасында ислеп атыр.

 

  География илимлериниң кандидаты, доцент Абдиреймов Салауат Жамалович 1967-жылы 15-августта Шымбай районында туўылған. 1984-жылы Нөкис мәмлекетлик университетине оқыўға кирип, 1992-жылы Москва Темирязев атындағы аўыл хожалығы Академиясын тамамлаған. 2006-жылы «Геоэкологические аспекты агроланшафты дельты Амударьи (на примере Чимбайского оазиса)» деген темада кандидатлық диссертациясын жақлады. 50 ден аслам мақала ҳәм тезислери, 1 монография, 1 оқыўлық, 3 оқыў қолланба, 5 оқыў-методикалық қолланбасы баспадан шықты. Қарақалпақ мәмлекетлик университетинде 1993-жылдан баслап ислеп атыр.

 

География илимлериниң кандидаты, доцент Султашова Оралхан Генжебаевна 1977-жылы 1-сентябрьде Қанлыкол районында туўылған. 2001-жылы Қарақалпақ мәмлекетлик университетин тамамлаған. 2011-жылы «Тепловой режим почв Узбекистана» темасында кандидатлық диссертициясын жақлады. 60 тан аслам илимий мақала ҳәм тезислери, 1 монография, 1 оқыў қолланба ҳәм 2 методикалық қолланбасы баспадан шықты. 2010-жылдан баслап География кафедрасында ислеп атыр.

 

 

 

Сондай ақ, кафедрада үлкен оқытыўшылардан М.Турсынов ҳәм М.Нуранов, ассистентлерден  Г.Наурузбаева, М.Төлепбергенов, Қ.Далжанов, Я.Худайбергенов, К.Утарбаева, Ф.Уринбаева, Г.Тлеўмуратова, Қ.Беканов ҳәм Б.Тайровлар хызмет етпекте.